طبعا مش أنا اللي كاتبة الكلام ده أنا قريته وعجبني قوي و حبيت أنقله لجيراني ربما يكون لهم ولي عظة كلما شغلتنا الدنيا بحطامها ومن منا لم تشغله النيا
في عيني نور غريب وقوي جدا
أستغربت النور ده كله جي منين؟؟؟
واندهشت لما لقيت الساعه بتشاور على 3 صباحا
وأن مصباح الأوده مطفي
!!طيب النور ده كله جي منين
وانفزعت لما لقيت نص ايدي جو الحيطه
شديتها بسرعه
خرجت
وانا ببصلها بكل اندهاش
رجعتها تانى لقيتها دخلت جوه الحيطه
!! استغربت ايه اللى بيحصلي ده
وسمعت صوت ضحك
بصيت نحيته
لقيت اخويا نايم جمبي
ولقيته بيحلم
بيحلم انه راكب عربيه اخر موديل
وانه رايح حفلة كبيره قوي
لناس اغنيه قوي
وانه لابس اغلى واشيك لبس
عشان يكون احلى واحد في الحفلة
وكان بيضحك وفرحان
...... ابتسمت
بعدين اتفزعت من اللى بيحصل
وقمت من على السرير
وجريت على اوضة امي وابي
قعدت اصحى فى امي واطبطب عليها
وانديها بس هى مش بتستجيب
قعدت انديها كتير واطبطب كتير
ولقيتها فجأه قامت
كانت مخضوضه قوي
وبتبص يمين وشمال
قولتلها يا ماما انت مش شيفانى؟؟
!!! لقيتها مش بترد
قعدت انادى
ماما......ماما
كانت حاطة ايدها على قلبها
وبتقول بسم الله الرحمن الرحيم
ولقيتها بطبطب على بابا وبتصحيه
وقام
قالت له : قوم نطمن على الاولاد
قالتله معلش قلبي مش مطمن
في حاجه غريبه
وانا واقف مستغرب
قعدت اقولها يا ماما
انا اهو يا ماما
انت مش شيفانى
ياماما
قامت ومشيت
حاولت امسك هدومها لكن الهدوم مش بتتمسك
جريت وقفت قدمها عدت من جوايا
ملقتش غير انى امشي وراها
وبابا كان وريا
محاولتش ابصله
عشان ما يتجاهلنيش برده
دخلت امى الاوده وفتحت النور
مكنش عندى فرق لأن الدنيا كانت منورة اصل
انفزعت لما لقيتنى نايم على السرير
وقعدت ابص لجسمى وايدى وانا مستغرب
انا ازاي بقيت اتنين
انا مين ومين اللى نايم على السرير ده ان مكنش انا
لكن هي قالتله معلش انا عاوزه أطمن على محمد
ولقيتها بتقرب مني قصدى من الشخص اللى نايم مكانى
جريت عليها وقلتلها يا ماما انا اهو
ردي عليا
لكن صوتها كان بيزيد خوف وكان بيعلى
كانت بتنادي
محمد.....محمد
وفجأة صرخت ولقيت الصرخة بتوجعنى قوي
كانها بتضربنى
بكيت
وقلتلها ما تصرخيش
وهى بتقول محمد
وبابا جري علي وحط ايده على وشى وصرخ وبكى
وحسيت بالوجع تانى
محمد مش بيرد والبكاء بيزيد وانا مش عارف اعمل ايه
صحي اخويا على الصوت وهو بيسال في ايه
ماما صرخت اخوك مات يا احمد مات وانا بقولها ببكائي لأ
والله
ياماما انا هو شوفيني شوفينى انت مش سمعاني
لكن ما فيش امل
بصيت للسما وقلت يارب ايه اللى بيحصل ده
لكن ما لقتش سقف
وشفت ناس ولما شوفتهم مشيوا وحسيت بطعنه غريبه
وحجات بتقطعنى بصيت لأحمد لقيته بيصرخ
قلتله اسكت انت بتعذبني
لكنه كان بيزيد فى الصراخ
وماما بتبكي فى حضن بابا
والنحيب بيزيد وقفت قدمهم عاجز
ومزهول رفعت راسي تانى وقلت يارب
ايه اللى بيحصل يارب فى ايه وسمعت صوت من كل حته
كان جي من بعيد ركزت معاه لقيته بيعلا وبيزيد كأنه قرآن
أيوا قرآن والصوت بدأ يقوى يقوى قوي هزنى من شدته كان
: بيقول
لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ "
" فَبَصَرُكَ الْيَوْمَ حَدِيدٌ
زهول الصوت
ما تخدونيش من اهلى اهلى فكرنى مت قالولى ما انت مت فعلا
قلتلهم ازاي ما انا شايف اهو وبتكلم وحاسس بكل حاجه> ابتسموا
: وقالوا
عجيب امركم يا بشر كلكم فاكرين ان الموت نهايه الحياة
وما تعرفوش ان حياتكم موت وحلم طويل هتصحو منه على اليوم ده
على العالم ده سألتهم انا فين وانتو واخدنى على فين قالولي
احنا حراسك لحد القبر اتفزعت قبر ايه انتوا هتدخلونى القبر
ردو كل انسان لازم يدخل القبر
بس انا عمرى ما دخلت القبر
قولتهم: طول عمرى كنت بكره الكلمه دي
مبحبش اسمعها بستعيذ بالله منها بحاول انساها
مكنتش بقدر اتخيل نفسي فى المكان الصعب ده
سألتهم بخوفي : هتسيبونى ؟؟
ولقيت واحد بيصرخ وبيبكي وواحد تانى سعيد قوي
وكل واحد فيهم واقف معاه اتنين بردة زى اللى معايا
قالوا : ده عارف مصيره
طول عمرة كان من اهل الضلال
واللي بيضحك ده رايح الجنه
ردو عليا : هما كانو عارفين هما ايه فى الدنيا ودلوقتى
عارفين هما فين فى الاخره وانت عشت طول عمرك تايه متردد
شويه تمشي صح وشويه تمشي غلط
شويه تتوب وترجع تعصي تاني ما كنتش واضح
هتفضل بردة انهاردة تايه مش عارف حاجه
قالولى : رحمة ربنا واسعه ولسة الرحلة طويلة
بصيت ورايا لقيت عمي وابويا واخويا ماشين وراهم امي واهلي بيبكوا
ناديت على امى قلتلها يا امى ما تبكيش ادعيلى ناديت على بابا قلته يا بابا خلى بالك من امى واخويا
قلتله يا احمد خلى بالك من نفسك سيبك من الدنيا ومتاعها دي رخيصة قوي
صدقنى مش هتنفعك ناديتهم كلهم بس كانو مشغولين بالبكاء
ومحدش سامعنى
مكنتش بتمنى حاجه فى اللحظة دي الا انهم يسمعونى
ونيمونى فوق الجسد عشان اشوف ابويا وهو بيرمى التراب عليا بنفسه
علشان اشوفهم وهما بيودعونى وخوفى عليهم انهم مش حاسين باللى انا حاسه
وحسدى ليهم انهم لسة فى الدنيا بس للأسف
كنت ببكى وهما بيبكوا كنت خايف عليهم من الدنيا قوى
واتمنى لو اصرخ ولو يسمعونى
وخرجو كلهم وقفلوا الباب والنور تحول سواد
أضف تعليقا
من مصر
انا عمرى متخيلت ان الواحد يعيش لحظة الموت وهو حى
انا بشكرك على الموضوع المبهر وبدعوكى وبدعو الكل انه يسجل ويشارك فى موقع المستقبل http://futur.rigala.net/forum.htm
من مصر
انا اترعب
فى البداية لانى باليل والشقة مظلمة
وانا وحدى بتسلى على الجهاز وفجأه لقيت نفسى داخل على مدونتك وقرأت المقال قمت نورت النور
خفت اصرخ يقولوا الصعايدة اهو بيخافوا
وانفضح فى البلد دى بس جمد قلبى ونورت النور وكتبت تعليق علشان اعرفك انى قرأت المقال ورعبنى قصدى وعجبنى واقوم انا م
تصبحى على خير
من مصر
شكرا على تعليقك الجميل
بس ليه الخوف جمد قلبك
كلنا مصيرنا الموت
من مصر
يجب ان نعمل جيدا
لأجل هذا اليوم
اللهم احسن خواتيمنا
تقبلى مرورى
أمير الشجن
من العراق
اختى غالية كرزة ...
مشكووررة على القصة المعبرة و فيها
موعظة كى نتعظ منه ...
قل ان الموت الذى تفرون منه فملاقيكم و
تردون الى عالم الغيب و الشهادة..
( و ما تدرى النفس ماذا تكسب غدا و
ما تدرى باى الارض تموت )
نعم الموت اقرب من الحبل الوريد يجب ان
نحضر له و نعمل من اجله...
اعمل لدنياك كانك لا تموت ابدا و اعمل
للاخرتك كأنك تموت غدا ....
يعطيك الف الف عافية
لك اطيب تحية
دمتى فى حفظ الرحمن
اردلان
من النرويج
السلام عليكم
حقيقة وانا اقرا ما نقلت احسست وكاني انا من ماتت ....وضعت نفسي مكان احمد..تخيلت نفسي قد مت واهلي واطفالي يبكون علي وانا حزينة.....
الموت صعب جدا...حتى انه ابكى الرسول محمد صلى الله عليه وسلم ....ولكن هكذا هي الحياة لا احد يعيش الا عمره ومن عاش الفا او الفين فلا بد من يوم يسير الى القبر...كما قال الشاعر.
وقد قال رسول الله صلى الله عليه وسلم*ما هذه الدنيا الا كراكب استظل تحت شجرة ثم قام وتركها* اللهم اهدنا الى صراطك المستقيم اللهم امين
ام سعيد
من ليبيا
السلام عليكم ورحمة الله وبركاته.
الحمد لله الذى خلق الموت راحة للبال . ونهاية لالطغات . وقصاص للاندال .
{تاهب للذى لابد منه ..من الموت الموكل بالعباد..
اترضى ان تكون رافيق قوما لهم زاد وانت بيغر زاد }}
من مصر
صغيرتى الجميله اشكرك على دعوتى بالصداقه وادعو الله لك من قلبى ان يوفقك جميل ان تكون فتاه فى مثل سنك وتتكلم عن اهم حقيقه فى الحياه الموت يابنتى لقاء الحبيب الذى طال الشوق اليه وهل هناك اجمل من لقاء الله
من مصر
صغيرتى الجميله اشكرك على دعوتى بالصداقه وادعو الله لك من قلبى ان يوفقك جميل ان تكون فتاه فى مثل سنك وتتكلم عن اهم حقيقه فى الحياه الموت يابنتى لقاء الحبيب الذى طال الشوق اليه وهل هناك اجمل من لقاء الله
من سوريا
اختي وجارتي طول الله بعمركي وقصتك جميلة ادهشتني وقرائتها بكل امعان وهي موعظة لنا تقبلي مروري لمدونتك واقبلي صداقتي وارجو التواصل اختك الهدهد الوردة الدمشقية
أضف تعليقا
<<الصفحة الرئيسية
من فلسطين
مرحبا
شكرا لك ما نقلت
وبالفعل يجب ان نعيش لحظة الموت
ولو مره واحده في الحياه قبل
الموت الحقيقي ممكن ان نرجع الى الله ونتوب توبه نصوحا وارجو من الله ان يكون في
ميزان حسانتك